ग्रामपंचायत शिरसाळा येथे शिवराज्याभिषेक दिन उत्साहात साजरा.

वाशीम प्रतिनिधी :

ग्रामपंचायत शिरसाळा येथे छत्रपती शिवाजी महाराजांचा शिवराज्याभिषेक दिन मोठ्या उत्साहात व भक्तीभावाने साजरा करण्यात आला. यावेळी छत्रपती शिवाजी महाराजांच्या प्रतिमेस पुष्पहार अर्पण करून अभिवादन करण्यात आले.

कार्यक्रमात उपस्थित मान्यवरांनी शिवरायांच्या कार्याचा गौरव करत त्यांच्या विचारांचे स्मरण केले. तसेच युवकांनी शिवरायांच्या आदर्शांचा वारसा पुढे नेण्याचे आवाहन करण्यात आले.

यावेळी ग्रामपंचायतचे सरपंच श्री दिलीप इंगोले यांच्यासह श्री पुरुषोत्तम इंगोले, रामेश काका इंगोले, श्री गणेश इंगोले, मधुकर गायकवाड, साईराम इंगोले, गणेश इंगोले, हनुमान इंगोले आदी मान्यवर उपस्थित होते.

कार्यक्रमास ग्रामस्थांनी मोठ्या संख्येने उपस्थित राहून छत्रपती शिवाजी महाराजांना अभिवादन केले. संपूर्ण परिसर "जय भवानी, जय शिवाजी" च्या घोषणांनी दुमदुमून गेला.